CENTURIE VI

I.
Autour des monts Pyrenees grans amas
De gent estrange secourir Roy nouveau
Pres de Garonne du grand temple du Mas,
Un Romain chef la craindra dedans l’eau.

II.
En l’an cinq cens octante plus & moins,
On attendra le siecle bien estrange:
En l’an sept cens, & trois cieux en tesmoings,
Que plusieurs regnes un à cinq feront change.

III.
Fleuve qu’esprouve le nouveau nay Celtique,
Sera en grande de l’Empire discorde:
Le ieune Prince par gent Ecclesiastique,
Ostera le sceptre coronal de concorde.

IV.
Le Celtiq fleuve changera de rivage,
Plus ne tiendra la cité d’Agripine,
Tout transmué ormis le vieil langage,
Saturne, Leo, Mars, Cancer en rapine.

V.
Si grand famine par unde pestifere,
Par pluye longue le long du polle arctique,
Samatobryn cent lieux de l’hemisphere,
Vivront sans loy exempt de pollitique.

VI.
Apparoistra vers le Septentrion,
Non loin de Cancer, l’estoille chevelue,
Suze, Sienne, Boëce, Eretrion,
Mourra de Rome grand, la nuict disperue.

VII.
Norneigre & Dace, & l’isle Britannique,
Par les unis freres seront vexes,
Le chef Romain issu de sang Gallique
Et les copies aux forests repoulsees.

VIII.
Ceux qui estoient en regne pour sçavoir,
Au Royal change deviendront apouvris:
Uns exilez sans apuy, or n’avoir,
Lettrez & lettres ne seront à grand pris.

IX.
Aux sacrez temples seront faicts escandales,
Comptez seront par honneurs & loüanges,
D’un que on grave d’argent, d’or les medalles,
La fin sera en tourmens bien estranges.

X.
Un peu de temps les temples des couleurs,
De blanc & noir des deux entremeslee:
Rouges & iaunes leur embleront les leurs,
Sang, terre, peste, feu d’eau affollee.

XI.
Des sept rameaux à trois seront reduicts,
Les plus aisnez seront surprins par mort,
Fratricidez le deux seront seduicts,
Les coniurez en dormans seront morts.

XII.
Dresser copies ponur monter à l’Empire,
Du Vatican le sang Royal tiendra:
Flamans, Anglois, Espagne avec Aspire,
Contre l’Italie & France contendra.

XIII.
Un dubieux ne viendra loing du regne,
La plus grand part le voudra soustenir,
Un Capitole ne voudra point qu’il regne,
Sa grande charge ne pourr maintenir.

XIV.
Loing de sa terre Roy perdra la bataille,
Prompt eschappé poursuiuy suivant prins,
Ignare prins soubs la doree maille,
Soubs fainct habit & l’ennemy surprins.

XV.
Dessoubs la tombe sera trouvé le Prince,
Qu’aura le pris par dessus Nuremberg,
L’espaignol Roy en capricorne mince,
Fainct & trahy par le grand Vuitemberg.

XVI.
Ce que ravy sera de ieune Milve,
Par les Normans de France & Picardie,
Les noirs du temple du lieu de Negrisilve,
Feront aulberge & feu de Lombardie.

XVII.
Apres les limes bruslez les asiniers,
Contrains seront changer habits divers,
Les Saturnins bruslez par les meusniers,
Hors la pluspart qui ne sera couvers.

XVIII.
Par les Phisiques le grand Roy delaissé,
Par sort non art de l’Ebrien est en vie,
Luy & son genre au regne hault poussé,
Grace donnee à gent qui Christ envie.

XIX.
La vraye flamme engloutira la dame,
Qui voudra mettre les Innocens à feu,
Pres de l’assaut l’exercite s’enflamme,
Quant dans Seville monstre en bœuf sera veu.

XX.
L’union faincte sera peu de duree,
Des uns changez reformez la pluspart,
Dans les vaisseaux sera gent enduree,
Lors aura Rome un nouveau Liepart.

XXI.
Quant ceux du polle artiq unis ensemble,
En Orient grand effrayeur & crainte,
Esleu nouveau, soustenu le grand tremble,
Rodes, Bisance de sang Barbare taincte.

XXII.
Dedans la terre du grand temple Celique,
Neveu à Londres par paix faincte meurtry,
La barque alors deviendra scismatique,
Liberté faincte sera au corn & cry.

XXIII.
D’esprit de regne munismes descriées,
Et seront peuples esmeuz contre leur Roy,
Paix faict nouveau, sainctes loix empirees,
Rapis onc fut en si tresdur arroy.

XXIV.
Mars & le sceptre se trouvera conioinct,
Dessoubs Cancer calamiteuse guerre,
Un peu apres sera nouveau Roy oingt,
Qui par longtemps pacifiera la terre.

XXV.
Par Mars contraire sera la monarchie,
Du grand pescheur en trouble ruyneux,
Ieune noir rouge prendra la hierarchie.
Les proditeurs iront iour bruyneux.

XXVI.
Quatre ans le siege quelque peu bien tiendra,
Un surviendra libidineux de vie,
Ravenne & Pyse, Veronne soustiendront,
Pour esleuer la croix de Pape envie.

XXVII.
Dedans les Isles de cinq fleuves à un,
Par le croissant du grand Chyren Selin,
Par les bruynes de l’air fureur de l’un,
Six eschapez, cachez fardeaux de lyn.

XXVIII.
Le grand Celtique entrera dedans Rome,
Menant amas d’exilez & bannis:
Le grand Pasteur mettra à mort tout homme
Qui pour le coq estoyent aux Alpes unis.

XXIX.
La vefve saincte entendant les nouvelles,
De ses rameaux mis en perplex & trouble:
Qui sera duict appaiser les querelles,
Par son pourchas des razes sera comble.

XXX.
Par l’apparence de saincte saincteté,
Sera trahy aux ennemis le siege:
Nuict qu’on cuidoit dormir en seureté,
Pres de Braban marcheront ceux de Liege.

XXXI.
Roy trouvera ce qu’il desiroit tant,
Quand le Prelat sera reprins à tort:
Responce au Duc le rendra mal content,
Qui dans Milan mettra plusieurs à mort.

XXXII.
Par trahison de verges à mort battu,
Prins surmonté sera par son desordre,
Conseil frivole au grand captif sentu,
Nez par fureur quand Berich viendra mordre.

XXXIII.
Sa main derniere par Alus sanguinaire,
Ne se pourra par la mer garentir:
Entre deux fleuves craindre main militaire,
Le noir l’ireux le fera repentir.

XXXIV.
De feu volant la machination,
Viendra troubler au grand chef assiegez:
Dedans sera telle sedition,
Qu’en desespoir seront les profligez.

XXXV.
Pres de Rion, & proche à blanche laine,
Aries, Taurus, Cancer, Leo, la Vierge,
Mars, Iupiter, le Sol ardra grand plaine,
Bois & citez lettres cachez au cierge.

XXXVI.
Ne bien ne mal par bataille terrestre,
Ne parviendra aux confins de Perouse:
Rebelle Pise, Florence voir mal estre,
Roy nuict blessé sur mulet à noire house.

XXXVII.
L’œuvre ancienne se parachevera,
Du toict chera sur le grand mal ruyne:
Innocent faict mort on accusera,
Nocent caché, taillis à la bruyne.

XXXVIII.
Aux profligez de paix les ennemis,
Apres avoir l’Italie superee,
Noir sanguinaire, rouge sera commis,
Feu, sang verser, eau de sang coloree.

XXXIX.
L’enfant du regne, par paternelle prinse,
Expolier sera pour delivrer:
Aupres du lac Trasimen l’azur prinse,
La troupe hostage par trop fort s’enyvrer.

XL.
Grand de Magonce pour grande soif estaindre,
Sera privé de sa grande dignité:
Ceux de Cologne si fort le viendront plaindre,
Que le grand groppe au Rhin sera ietté.

XLI.
Le second chef du regne d’Annemarc,
Par ceux de Frize & l’Isle Britannique,
Fera despendre plus de cent mille marc,
Vain exploicter voyage en Italique.

XLII.
A Logmyon sera laissé le regne,
Du grand Selin qui plus fera de faict:
Par les Itales estendra son enseigne,
Regi sera par prudent contrefaict.

XLIII.
Long temps sera sans estre habitee,
Où Signe & Marne autour vient arrouser:
De la Tamise & martiaux tentee,
Deceus les gardes en cuidant repousser.

XLIV.
De nuict par Nantes Lyris apparoistra,
Des arts marins susciteront la pluye:
Arabiq goulfre grande classe parfondra,
Un monstre en Saxe naistra d’ours & truye.

XLV.
Le gouverneur du regne bien sçavant,
Ne consentir voulant au faict Royal:
Mellile classe par le contraire vent
Le remettra à son plus desloial.

XLVI.
Un iuste sera en exil renvoyé,
Par pestilence aux confins de Nonseggle,
Response au rouge le fera desvoyé,
Roy retirant à la Rane & à l’Aigle.

XLVII.
Entre deux monts les deux grands assemblez
Delaisseront leur simulté secrette,
Brucelle & Dolle par Langres accablez,
Pour à Malignes executer leur peste.

XLVIII.
La saincteté trop fainte & seductive,
Accompagné d’une langue diserte:
La cité vieille, & Parme trop hastive,
Florence & Sienne rendront plus desertes.

XLIX.
De la partie de Mammer grand Pontife,
Subiuguera les confins du Danu e:
Chasser la croix, par fer raffe ne riffe,
Captifs, or, bagues plus de cent mille rubes.

L.
Dedans le puys seront trouvez les os,
Sera l’inceste, commis par la maratre:
L’estat changé, on querra bruit & los,
Et aura Mars attendant pour son astre.

LI.
Peuple assemblé, voir nouveau expectacle,
Princes & Roys par plusieurs assitans,
Pilliers faillir, murs, mais comme miracle
Le Roy sauvé & trente des instans.

LII.
En lieu du grand qui sera condamné,
De prison hors, son amy en sa place:
L’espoir Troyen en six mois ioins mort né,
Le Sol à l’urne seront peins fleuve en glace.

LIII.
Le grand Prelat Celtique à Roy suspect,
De nuict par cours sortira hors du regne:
Par Duc fertile à son grand Roy Bretaigne,
Bisance à Cypres & Tunes insuspect.

LIV.
Au poinct du iour au second chant du coq,
Ceux de Tunes, de Fez & de Bugie,
Par les Arabes captif le Roy Maroq,
L’an mil six cens & sept, de Liturgie.

LV.
Au chalmé Duc en arrachant l’espence,
Voile Arabesque voir, subit descouverte:
Tripolis Chio & ceux de Trapesonce,
Duc prins, Marnegro & la cité deserte.

LVI.
La crainte armee de l’ennemy Narbon,
Effrayera si fort les Hesperiques:
Parpigna vuide par l’aveugle darbon,
Lors Barcelon par mer donra les piques.

LVII.
Celuy qu’estoit bien avant dans le regne,
Ayant chef rouge proche à la hierarchie,
Aspre & cruel, & se fera tant craindre,
Succedera à sacrée monarchie.

LVIII.
Entre les deux monarcques esloignez,
Lorsque le Sol par Selin clair perdue,
Simulté grande entre deux indignez,
Qu’aux Isles & Sienne la liberte rendue:

LIX.
Dame en fureur par rage d’adultere,
Viendra à son Prince coniures non de dire:
Mais bref cogneu sera la vitupere,
Que seront mis dix sept a màrtyre.

LX.
Le Prince hors de son terroir Celtique,
Sera trahy, deceu par interprete:
Roûan, Rochelle par ceux de l’Armorique
Au port de Blaue deceus par moyne & prestre.

LXI.
Le grand tappis plié ne monstrera,
Fors qu’à demy la pluspart de l’histoire:
Chassé du regne loign aspre apparoistra,
Qu’au faict bellique chacun le viendra croire.

LXII.
Trop tard tous deux les fleurs seront perdües,
Contre la loy serpent ne voudra faire:
Des ligueurs forces par gallot confondües,
Savone, Albingue par monech grand martyre.

LXIII.
La dame seule au regne demeuree.
L’unic estaints premier au lict d’honneur,
Sept ans sera de douleur explorèe,
Puis longue vie au regne par grabd heur.

LXIV.
On ne tiendra pache aucune arresté,
Tous recevans iront par tromperie,
De paix & tresve, terre & mer protesté,
Par Barcelone classe prins d’industrie.

LXV.
Gris & bureau demie ouverte guerre,
De nuict seront assaillis & pillez,
Le bureau prins passera par la serre,
Son temple ouvert, deux au plastre grillez.

LXVI.
Au fondement de la nouvelle secte,
Seront les os du grand Romain trouvez,
Sepulchre en marbre apparoistra couverte,
Terre trembler en Avril, mal enfoüez.

LXVII.
Au grand Empire parviendra tout un autre
Bonté distant plus de felicité:
Regi par un issu non loing du peautre,
Corruer regnes grande infelicité.

LXVIII.
Lors que soldats fureur seditieuse,
Contre leur chef seront de nuict fer luire:
Ennemy d’Albe soit par main furieuse,
Lors vexer Rome, & principaux seduire.

LXIX.
La pitié grande sera sans loing tarder,
Ceux qui donnoient seront contraints de prendre:
Nuds, affamez de froid, soif, soy bander,
Les monts passer commettant grand esclandre.

LXX.
Au chef du monde le grand Chyren sera,
Plus outre apres aymé, craint, redouté:
Son bruit & lors les cieux surpassera,
Et du seul tiltre victeur fort contenté.

LXXI.
Quand on viendra le grand Roy parenter
Avant qu’il ait du tout l’âme renduë:
Celuy qui moins le viendra lamenter,
Par Lyons, d'Aigles, croix couronne venduë.

LXXII.
Par fureur fainte d’esmotion divine,
Sera la femme du grand fort violee:
Iuges voulans damner telle doctrine.
Victime au peuple ignorant immolee.

LXXIII.
En cité grande un moyne & artisan,
Pres de la porte logez & aux murailles,
Contre Modene secret, cave disant,
Trahis faire sous couleur d’espousailles.

LXXIV.
La dechassee au regne tournera,
Ses ennemis trouvez des coniurez:
Plus que iamais son temps triomphera,
Trois & septante à mort trop asseurez.

LXXV.
Le grand pilot par Roy sera mandé,
Laisser la classe pour plus haut lieu attaindre:
Sept ans apres sera contrebandé,
Barbare armee viendra Venise craindre.

LXXVI.
La cité antique d’antenoree forge,
Plus ne pouvant le tyran supporter:
Le manche fainct au temple couper gorge,
Les siens le peuple à mort viendra bouter.

LXXVII.
Par la victoire du deceu fraudulente,
Deux classes une, la revolte Germaine,
Le chef meurtry & son fils dans la tente,
Florence, Imole pourchassez dans Romaine.

LXXVIII.
Crier victoire du grand Selin croissant,
Par les Romains sera l’Aigle clamé,
Ticcin, Millan & Genes y consent,
Puis par eux mesmes Basil grand reclamé.

LXXIX.
Pres de Tesin les habitans de Loyre,
Garonne & Saone, Seine, Tain & Gironde,
Outre les monts dresseront promontoire,
Conflict donné, Pau granci, submergé onde.

LXXX.
De Fez le regne parviendra à ceux d’Europe.
Feu leur cité, & lame tranchera:
Le grand d’Asie terre & mer à grand troupe,
Que bleux, pers, croix, à mort dechassera.

LXXXI.
Pleurs, cris & plaints, heurlemens, effrayeur,
Cœur inhumain, cruel, noir & transy:
Leman, les Isles, de Gennes les maieurs,
Sang espancher, frofaim, à nul mercy.

LXXXII.
Par les deserts de lieu libre & farouche,
Viendra errer nepveu du grand Pontife:
Assommé à sept avecques lourde souche,
Par ceux qu’apres occuperont le Cyphe.

LXXXIII.
Celuy qu’aura tant d’honneur & caresses,
A son entree de la Gaule Belgique.
Un temps apres fera tant de rudesses,
Et sera contre à la fleur tant bellique.

LXXXIV.
Celuy qu’en Sparthe Claude ne peut régner,
Il fera tant par voye seductive:
Que du court, long, le fera araigner,
Que contre Roy fera sa perspective.

LXXXV.
La grand’cité de Tharse par Gaulois
Sera destruite, captifs tous à Turban:
Secours par mer du grand Portugalois,
Premier d’esté le iour du sacre Urban.

LXXXVI.
Le grand Prelat un jour apres son songe
Interpreté au rebours de son sens,
De la Gascongne luy surviendra un monge
Qui fera eslire le grand Prelat de Sens.

LXXXVII.
L’Election faicte dans Francfort,
N’aura nul lieu, Milan s’opposera:
Le sien plus proche semblera si grand fort,
Qu’outre le Rhin és mareschs cassera.

LXXXVIII.
Un regne grand demoura desolé,
Aupres de l’Hebro se seront assemblees:
Monts Pyrenees le rendront consolé,
Lors que dans May seront terres tremblees.

LXXXIX.
Entre deux cymbes pieds & mains attachez,
De miel face oingt, & de laict substanté:
Guespes & mouches fitine amour fachez,
Poccilateurs faucer, Cyphe tenté.

XC.
L’honnissement puant abominable
Apres le faict sera felicité:
Grand excusé, pour n’estre favorable,
Qu’à paix Neptune ne sera incité.

XCI.
Du conducteur de la guerre navale,
Rouge effrené, severe, horrible grippe,
Captif eschappé de l’aisné dans la baste:
Quand il naistra du grand un fils Agrippe.

XCII.
Prince de beauté tant venuste,
Au chef menee, le second faict trahy:
La cité au glaive de poudre face aduste,
Par trop grand meurtre le chef du Roy hay.

XCIII.
Prelat avare d’ambition trompé
Rien ne sera que trop viendra cuider:
Ses messagers, & luy bien attrapé,
Tout au rebours voir qui le bois fendroit.

XCIV.
Un Roy iré sera aux sedifrague,
Quand interdicts seront harnois de guerre:
La poison taincte au succre par les fragues
Par eaux meurtris, morts disant serre serre.

XCV.
Par detracteur calumnié à puis nay,
Quand istront faicts enormes & martiaux:
La moindre part dubieuse à l’aisnay,
Et tost au regne seront faicts partiaux.

XCVI.
Grande cité à soldats abandonnee,
Onc n’y eut mortel tumult si proche:
O quelle hideuse mortalité s’approche,
Fors une offense n’y sera pardonnee.

XCVII.
Cinq & quarante degrez ciel bruslera,
Feu approcher de la grand'cité neuve,
Instant grand flamme esparse sautera
Quand on voudra des Normans faire preuve.

XCVIII.
Ruyné au Volsques de peur si fort terribles,
Leur grand cité taincte, faict pestilent:
Pille Sol, Lune & violer leurs temples:
Et les deux fleuves rougir de sang coulant.

XCIX.
L’ennemy docte se tournera confus,
Grand camp malade, & de faict par embusches:
Monts Pyrenées & Pœnus luy seront faicts refus
Proche du fleuve decouvrant antiques oruches.

C.
Fille de l'Aure, asyle du mal sain,
Où iusqu'au ciel se void l'amphitheatre:
Prodige veu, ton mal est fort prochain,
Seras captive, et des fois plus de quatre.

Retour Nostradamus

Retour Prophètes